كيف ترفع حجوزات عيادتك، بدون ما تزيد ميزانية الإعلانات؟
سند موظف استقبال ذكي على واتساب عيادتك. يرد على المراجعين خلال ثواني، ليل ونهار، ويحجز في جدول العيادة بدون تعارض.
بدون رقم جديد، وبدون بطاقة دفع.
الأرقام قبل الكلام
من المرضى يحجزون مواعيدهم بعد نهاية الدوام
Zocdoc، بيانات أمريكا 2025فرصة أعلى لما ترد على المهتم خلال ساعة
Harvard Business Review، 2011من الشركات ما ردت أبداً على استفسار العميل
Harvard Business Review، 2011متوسط المواعيد اللي يغيب عنها المريض
Health Policy، مراجعة 105 دراسات، 2018كم ممكن تخسر عيادتك بالشهر؟
حرّك الأرقام على واقع عيادتك. الحسبة مثال توضيحي، مو وعد بنتيجة.
دخل معرّض للضياع كل شهر
48,225 ريال- رسائل بعد الدوام
- 45,000 ريال
- مواعيد بدون حضور
- 3,225 ريال
رسائل × السعر × 30 يوم، والغياب × السعر × 4.3 أسبوع.
جرّب سند ٧ أيام على عيادتكثلاث رسائل ورا بعض، ورد واحد يفهمها كلها
هذي محادثة حقيقية من سند، بدون تعديل. المراجع كتب سلامه وطلبه وسؤال التأمين في ثلاث رسائل، وسند جاوب عليها مرة وحدة وعرض المواعيد الفاضية.
متوسط تجهيز الرد في تجاربنا: 4.7 ثانية.
سند معك في كل مرحلة من رحلة المريض
قبل الحجز
- يرد على الأسئلة عن الخدمات والأسعار والتأمين وأوقات الأطباء، من بيانات عيادتك فقط.
- ما يألّف من راسه. السؤال الجديد يروح للاستقبال، والجواب يوصل للمريض.
- يتعلم بالمعنى. الموظف يجاوب مرة، والمريض اللي يسأل نفس السؤال بكلام ثاني ياخذ الجواب فوراً.
- عربي وإنجليزي، حتى لو خلط المريض بينهم في نفس الرسالة.
وقت الحجز
- يعرض المواعيد الفاضية ويحجز بعد تأكيد المريض، بدون تعارض.
- يحجز لأفراد العائلة باسم المستفيد، ويحفظ رقم المتصل.
- يرسل رابط الموقع على قوقل ماب لما يسأل المريض وين أنتم.
- الحالات الطارئة يوقف الحجز العادي، يوجّه للإسعاف ٩٩٧، وينبّه الاستقبال.
بعد الحجز
- تذكير قبل الموعد بيوم باسم عيادتك، بموافقة المريض.
- تأجيل برسالة وحدة، والموعد اللي فضى يتبلّغ فيه اللي في قائمة الانتظار.
- لو تغيّب الطبيب، بضغطة من الاستقبال يراسل كل مرضى اليوم بموعد بديل أو طبيب ثاني.
- تذكير المتابعة الدورية بعد الإجراءات اللي تحتاج رجعة، للمرضى اللي وافقوا.
وش الفرق عن الرد الآلي بالقوائم؟
أغلب الردود الآلية تشتغل بقائمة أرقام أو كلمات محددة. سند يقرأ الرسالة مثل ما يقراها موظف الاستقبال.
| الموقف | رد آلي بالقوائم | سند |
|---|---|---|
| المريض كتب ثلاث رسائل ورا بعض | يرد على كل رسالة لحالها | يجمعها ويرد مرة وحدة |
| سأل بكلامه هو، بدون رقم من القائمة | يرجّعه للقائمة | يفهم الطلب ويكمل معه |
| طلب موعد | يحوّله لموظف | يعرض الفاضي ويحجز بعد تأكيده |
| سؤال جوابه مو مسجل | رد عام أو سكوت | يسأل الاستقبال ويوصل الجواب للمريض |
| اعتذر عن موعده | يحوّله لموظف | يأجله ويبلّغ قائمة الانتظار |
كيف نبدأ مع عيادتك
- نربط رقمك الحاليعن طريق شريك رسمي لميتا، ويظل واتساب الأعمال شغال على جوال الاستقبال.
- نجهز بيانات العيادةالأطباء، الخدمات، الأسعار، التأمين، وأوقات الدوام.
- سند يبدأ يردوالاستقبال يتابع من لوحة العيادة، ويجاوب على الأسئلة الجديدة.
صُمّم مع مراعاة نظام حماية البيانات الشخصية (PDPL) الصادر عن سدايا
البيانات الحساسة تُنقّى على جهاز العيادة قبل أي معالجة بالذكاء الاصطناعي، مع خيار معالجة داخل المملكة. التذكيرات والرسائل اللاحقة ما تطلع إلا بموافقة المريض.
وكل تحديث لسند يمر على أكثر من 300 اختبار آلي قبل ما يوصل لعيادتك: الحجز والتأجيل، الأسعار، الخصوصية، والحالات الطارئة.
أسئلة تجينا كثير
هل نحتاج رقم واتساب جديد؟
لا. نربط سند على رقم عيادتك الحالي عن طريق شريك رسمي لميتا، ويظل تطبيق واتساب للأعمال شغال على جوال الاستقبال.
نظام المواعيد عندنا قديم، يشتغل سند معه؟
الحجوزات تنزل في لوحة العيادة الخاصة بسند، والاستقبال يشوفها هناك. لو نظامكم يدعم الربط، نربطه مباشرة.
وش يصير لو سأل المريض عن شي ما يعرفه سند؟
سند ما يألّف. يرفع السؤال للاستقبال، ولما يجاوب الموظف يوصل الرد للمريض، ويقدر الموظف يحفظه كإجابة معتمدة للمرضى اللي بعده.
هل يقدر يعطي استشارة طبية؟
لا. سند موظف استقبال، مو طبيب. لو المريض وصف أعراض خطيرة، يوقف الحجز العادي ويوجّهه للإسعاف ٩٩٧ وينبّه الاستقبال.
كم سعر الاشتراك؟
ابدأ بتجربة مجانية ٧ أيام. بعدها نرسل لك عرض يناسب حجم عيادتك وعدد أطبائها، وما فيه أي التزام لو قررت ما تكمل.
جرّب سند في عيادتك مجاناً، ٧ أيام
عطنا بيانات العيادة والوقت اللي يناسبك، ونتواصل معك فيه لربط الرقم وتجهيز البيانات.
بدون التزام: لو ما ناسبك بعد ٧ أيام، نوقف الربط ونسلمك بياناتك.
أنهيت التجربة وتبي تفعّل الاشتراك؟ اختر «تفعيل الاشتراك» في النموذج ونرسل لك العرض.